اہم خبریں

ہم پیغمبر اسلامﷺ کی توہین ہرگز برداشت نہیں کریں گے: وزیراعظم کا مغربی شدت پسندوں کو پیغام

Published by:

ذرائع کے مطابق وزیراعظم پاکستان عمران خان کی جانب سے سماجی رابطے کی ویب سائٹ ٹوئٹر پر مغربی شدت پسندوں کو پیغام جاری کرتے ہوئے کہا گیا ہے کہ ہم ہمارے نبیﷺ کی توہین ہرگز برداشت نہیں کریں گے۔

تفصیلات کے مطابق وزیراعظم عمران خان نے ٹوئٹر پر اپنے پیغام میں کہا کہ میں یہاں کے اور غیر ملکی افراد کو ایک بات واضح کردینا چاہتا ہوں کہ حکومت پاکستان نے تحریک لبیک کے خلاف ایکشن صرف انسداد دہشت گردی کے قوانین کے تحت لیا ہے۔ پاکستان تحریک لبیک کی جانب سے ریاستی قوانین کو چیلنج اور عوام اور سکیورٹی فورسز پر حملہ کیا گیا تھا۔ (میں بتانا چاہتا ہوں کے) آئین اور قوانین سے بڑھ کر کوئی بھی نہیں ہے۔

وزیراعظم کی جانب سے کہا گیا ہے کہ مغربی شدت پسندوں کو واضح پیغام دینا چاہتا ہوں کے مغربی شدت پسندوں کی جانب سے اسلاموفوبیا اور نسل پرستی کے ذریعے پوری دنیا کے 1.3 بلین مسلمانوں کے جذبات کو مجروح کیا جاتا ہے. ہم مسلمانوں کے ہاں نبی کریم صلی اللہ علیہ وآلہ وسلم کے لیے بہت عزت اور احترام ہے۔ ہم ان کے متعلق کسی بھی طرح کی کوئی بھی توہین برداشت نہیں کریں گے۔

وزیر اعظم پاکستان کا کہنا تھا کہ مغرب میں موجود چند شدت پسند سیاستدان جو جان بوجھ کر اظہار راۓ کی آزادی کی آڑ میں اس طرح کی توہین آمیز گفتگو کرتے ہیں ان میں عقل و فہم کا فقدان ہے اور ان میں 1.3بلین مسلمانوں سے معافی مانگنے کی جرات بھی نہیں ہے۔ ہم چاہتے ہیں کہ یہ شدت پسند لوگ معافی مانگیں۔

انہوں نے کہا کہ میں مغربی حکومتوں سے مطالبہ کرتا ہوں کہ جس طرح ہولوکاسٹ کے متعلق غلط تبصرہ غیر قانونی قرار دیا گیا ہے اسی طرح نبی کریم صلی اللہ علیہ وآلہ وسلم کی توہین کر کے مسلمانوں کے خلاف نفرت پھیلانے والوں کے لیے قانون بنایا جائے۔

اہم خبریں

سوشل میڈیا پر ہنگامہ آرائیوں کی تعریف کرنے والوں کے خلاف ایکشن لیا جائے گا

Published by:

ذرائع کے مطابق سی ٹی ڈی پولیس کی جانب سے ملک میں ہونے والی ہنگامہ آرائیوں کی سوشل میڈیا پر تعریف کرنے والوں کے خلاف کارروائی کرنے کا اعلان کیا گیا ہے۔ سوشل میڈیا پر ہنگامہ آرائیوں کی تعریف کر کے اشتعال انگیزی اور نفرت پھیلانے والوں کے خلاف کریک ڈاؤن کیا جائے گا۔

تفصیلات کے مطابق سی ٹی ڈی حکام کی جانب سے کہا گیا ہے کہ پاکستان تحریک لبیک کے سوشل میڈیا پر اکاؤنٹس سے ملک میں پھلاۓ جانے والی نفرت اور اشتعال انگیزی کے خلاف ایف آئی اے کے ساتھ مل کر حکمت عملی بنا لی گئی ہے۔

سی ڈی حکام کی جانب سے مزید کہا گیا ہے کہ سوشل میڈیا پر نفرت پھیلانے والوں کے خلاف سخت ایکشن لیا جائے گا اور قانون نافذ کرنے والے اداروں کے خلاف پھیلائی جانے والی شر انگیزیوں کے خلاف بھی سخت کارروائی کی جائے گی۔

سی ٹی ڈی حکام کا کہنا تھا کہ مذہبی جماعت
پاکستان تحریک لبیک کے تمام سوشل میڈیا اکاؤنٹس کی فہرست تیار کر لی گئی ہے اور ایف آئی اے سائبر کرائم میں ان کے خلاف شکایات بھی درج کرا دی گئی ہیں۔

واضح رہے کہ چند روز قبل مذہبی جماعت پاکستان تحریک لبیک کی جانب سے پاکستان کی اہم شاہراوں کو بند کر دیا گیا تھا جن کو کلیئر کرانے میں پولیس اور تحریک لبیک کے کارکنان کے درمیان جھڑپیں بھی ہوئی تھیں۔ جھڑپوں کے نتیجے میں پولیس کے 2 اہلکار شہید ہو گئے تھے جبکہ 600 سے زائد افراد زخمی ہوئےتھے۔ دوسری جانب پاکستان تحریک لبیک کارکنان بھی کافی تعداد میں زخمی ہوئے تھے۔

تجزیہ کاروں کی جانب سے کہا گیا ہے کہ پاکستان میں اس طرح کی صورت حال میں اشتعال انگیزی اور نفرت پھیلانے کا کام سوشل میڈیا کے ذریعے کیا جا رہا ہے۔ جس کو روکنے کے لیے پاکستانی حکام کی جانب سے اقدامات کرنے چاہئیں۔

اہم خبریں

چینی کے متعلق پی ٹی آئی کے رہنما جہانگیر ترین کا بیان سامنے آگیا

Published by:

ذرائع کے مطابق چینی کی قیمت بڑھنے اور سو گیا مافیاز کے متعلق رہنما پی ٹی آئی جہانگیر ترین کا اہم بیان سامنے آگیا ہے۔

تفصیلات کے مطابق میڈیا سے گفتگو کرتے ہوئے پی ٹی آئی کے سینئر رہنما جہانگیر ترین کا کہنا تھا کہ چینی کی قیمت بڑھنے سے اور شوگر مافیاز سے میرا کوئی تعلق نہیں ہے۔ آج تک کسی نے نہیں کہا کہ جہانگیر ترین کے خلاف شوگر کے چل رہا ہے۔ میرے خلاف کاٹی گئی تینوں ایف آئی آر چیک کرلیں کسی میں بھی شوگر مافیا شوگر کی قیمت بڑھانے کے متعلق کوئی بات نہیں کی ہوئی۔ جب بھی چینی کی قیمتوں میں اضافہ ہوتا ہے تو جہانگیر ترین کا نام لیا جاتا ہے مگر جہانگیرترین کا اس سے کوئی تعلق نہیں ہے۔

رہنما پی ٹی آئی جہانگیر ترین کی جانب سے کہا گیا ہے کہ میرے خلاف ایک فرضی کہانی بنائی گئی ہے۔ میرے تمام دستاویزات بالکل شفاف اور کلر ہیں۔ ہر سال ملک پاکستان میں ٹھیک ٹھاک ٹیکس ادا کرتا ہوں۔ میرے اور میرے خاندان کے تمام بینک اکاؤنٹس انکم ٹیکس ڈیپارٹمنٹ کے پاس موجود ہیں۔ کسی بزنس مین سے پوچھ لیں کہیں گے کہ اگر جہانگیر ترین صاف شفاف نہیں ہے تو کون اس ملک میں صاف شفاف ہے۔ مختلف اوچھے ہتھکنڈے کر کے میری نیک نامی پر دھبے لگائے جارہے ہیں۔

جہانگیر ترین کا کہنا تھا کہ وقت آنے پر سب کو پتہ چل جائے گا کہ اصل بات کیا تھی مجھ پر پچھلے ڈیڑھ سال سے کیسی چل رہی ہیں کسی میں بھی شوگر کا ذکر تک نہیں ہے۔ ان کا کہنا تھا کہ میں یہ نہیں کہہ رہا کہ میرے خلاف کسی کو ختم کردیا جائے بلکہ میں ان کیسز کا سامنا کرنے کے لیے عدالت میں موجود ہوں۔

ان کا کہنا تھا کہ پچھلے سوا سال سے میں وزیراعظم ہاؤس تک نہیں گیا۔ مجھے نہیں پتہ کہ میرے خلاف سازشیں کون کر رہا ہے مدر کوئی تو ہے جو کر رہا ہے۔ بے بنیاد الزام لگا کر میری عزت خراب کرنے کی کوشش کی جا رہی ہے اگر اس ملک میں انصاف ملتا ہوتا تو میرے خلاف کوئی ایف آئی آر درج نہ ہوتی۔

اہم خبریں

کوئی بھی حکومت کو طاقت کے زور پر بلیک میل نہیں کر سکتا: فواد چوہدری

Published by:

ذرائع کے مطابق وفاقی وزیر فواد چوہدری کی جانب سے کہا گیا ہے کہ حکومت پاکستان نے بہترین حکمت عملی اپناتے ہوئے پرتشدد مظاہروں اور احتجاج کو ناکام بنایا۔ اسی لئے کوئی بھی تنظیم حکومت کو طاقت کے زور سے بلیک میل نہیں کر سکتی۔

تفصیلات کے مطابق وفاقی وزیر فواد چوہدری کا کہنا تھا کہ کارکنان اور پولیس کی جھڑپوں کے دوران پنجاب میں 2 اہلکار شہید، 2 اہلکار اغواء جبکہ 673 اہلکار زخمی ہوئے۔ سندھ میں 12 پولیس اہلکار زخمی جبکہ خیبرپختونخوا میں تین پولیس اہلکار زخمی ہوئے۔ تاہم پرتشدد مظاہروں کے دوران پولیس نے پنجاب میں 2359، خیبر پختونخوا میں 370 اور سندھ میں 285 مظاہرین کو گرفتار کیا ہے اور ان کے خلاف مقدمات درج کیے گئے ہیں۔

وزیر اطلاعات کا کہنا تھا کہ حکومت پاکستان کی جانب سے بہترین حکمت عملی کو اپنایا کر پر تشدد مظاہروں کو ناکام بنایا گیا۔ پولیس اور دیگر اداروں پر تشدد کرنے والے مجرمان کو کیفرِ کردار تک پہنچایا جائے گا۔ کوئی بھی تنظیم حکومت کو طاقت استعمال کر کے بلیک مل نہیں کر سکتی۔ تمام تر شرپسند عناصر اپنے عزائم میں ناکامیاب اور نامراد ہوں گے۔

ان کا مزید کہنا تھا کہ آج ملک بھر کی تمام شاہرائیں ٹریفک کیلئے کھولی جاچکی ہیں۔ کل پورے پاکستان میں جمعہ کی نماز پر سکون ماحول میں ادا کی گئی ہے۔

گزشتہ روز سے سوشل میڈیا کے بند ہونے پر بات کرتے ہوئے وزیر اطلاعات فواد چوہدری کا کہنا تھا کہ گزشتہ روز تین گھنٹے کے لیے سوشل میڈیا بند ہونے پر معذرت خواہ ہوں۔ حکومت پوری کوشش کرے گی کہ آئندہ سوشل میڈیا بند نہ ہو۔ حکومت کی جانب سے عوام کی جان و مال کی حفاظت کے لئے ہر ممکن کوشش کی جا رہی ہے۔

وفاقی وزیر کا مزید کہنا تھا کہ پورے ملک میں امن وامان بنائے رکھنے کے لیے وزارت داخلہ، وزارت مذہبی امور، قانون نافذ کرنے والے ادارے، پولیس اور صوبائی حکومتوں کا کام قابل ستائش ہے۔

ناموس رسالت صلی اللہ علیہ وآلہ وسلم کے بارے میں بات کرتے ہوئے ان کا کہنا تھا کہ وزیراعظم پاکستان کی جانب سے ناموس رسالت صلی اللہ علیہ وآلہ وسلم کے لیے کاوشیں جاری رہیں گی۔

کھیل

ٹی ٹوئنٹی ورلڈ کپ کیلئے پاکستان ٹیم کو ویزےدیے جائیں گے: بھارت نے بیان جاری کر دیا

Published by:

ذرائع کے مطابق بھارتی کرکٹ بورڈ کی جانب سے کہا گیا ہے کہ پاکستان کرکٹ ٹیم کو رواں سال ٹی ٹونٹی ورلڈ کپ کے لیے ویزے فراہم کیے جائیں گے۔

تفصیلات کے مطابق بھارتی کرکٹ بورڈ کی کونسل میٹنگ کے دوران فیصلہ کیا گیا ہے کہ پاکستان کرکٹ ٹیم کو ٹی ٹونٹی ورلڈ کپ کھیلنے کے لیے ویزے دیے جائیں گے۔ اس کے ساتھ یہ بھی بات سامنے آئی ہے کہ پاکستان کے صحافیوں کو بھی ویزہ فراہم کیے جائیں گے البتہ عوام اور کرکٹ شائقین کو ویزے دیے جانے کے متعلق کوئی خبر سامنے نہیں آئی ہے۔

دوسری طرف انٹرنیشنل کرکٹ کونسل کے چیف ایگزیکٹو جیف ایلرڈائز بھارت میں کرونا وائرس کی دوسری لہر کی بڑھتی ہوئی شرح اور تباہ کاریوں پر نگاہ جمائے ہوئے ہیں۔ آئی سی سی کے چیف ایگزیکٹیو نے امید ظاہر کی ہے کہ شیڈول کے مطابق آئی سی سی ایونٹ ٹی ٹوئنٹی ورلڈ کپ بھارت میں ہی ہونا چاہیے۔ ان کا کہنا تھا کہ اگر ٹی ٹونٹی ورلڈ کپ بھارت میں نہیں ہوتا تو ہمارے پاس بیک اپ پلان موجود ہے۔

واضح رہے کہ گزشتہ ماہ بھارت میں کرونا وائرس کی دوسری لہر کے پیش نظر ایک ہی دن میں ایک لاکھ سے زائد کرونا کے مریض سامنے آئے ہیں۔ جس کو سامنے رکھتے ہوئے آئی سی سی ایونٹ ٹی ٹونٹی ورلڈ کپ کا انعقاد بھارت میں کروانا خطرے میں پڑگیا ہے۔ جب کہ اس صورتحال کو سامنے رکھتے ہوئے انٹرنیشنل کرکٹ کونسل نے اپنا بیک پلان بھی تیار کر لیا ہے۔

چیف ایگزیکٹیو آف آئی سی سی کا کہنا تھا کہ ٹی ٹونٹی ورلڈ کپ میں صرف چھ ماہ باقی ہیں اور بھارت میں ایک ہی دن 6 مارچ کو ایک لاکھ 15 ہزار سے زائد کرونا وائرس کے کیسز سامنے آئے ہیں۔

ان کا کہنا تھا کہ انٹرنیشنل کرکٹ کونسل بھارت میں ہی ٹی ٹونٹی ورلڈ کپ کو کروانے کے لیے کوشاں ہے لیکن اگر صورتحال بہتر نہ ہوئی تو ہمارے پاس بیک اپ پلان موجود ہے۔

یاد رہے کہ آئی سی سی کا میگا ایونٹ ٹی ٹونٹی ورلڈ کپ بھارت میں اکتوبر اور نومبر کے مامی شیڈول کیا گیا ہے۔

پاکستان

حکومت پاکستان پولیس ہیروز کی مقروض ہے: وزیراعظم عمران خان

Published by:

ذرائع کے مطابق وزیراعظم پاکستان عمران خان کی جانب سے پولیس ڈیپارٹمنٹ کو خراج تحسین پیش کیا گیا ہے۔ وزیر اعظم پاکستان کا کہنا تھا کہ حکومت پاکستان پولیس ہیروز کی مقروض ہے۔

تفصیلات کے مطابق وزیراعظم پاکستان عمران خان کی جانب سے گزشتہ دنوں پاکستان تحریک لبیک کے کارکنان کی جانب سے کیے جانے والے مظاہروں اور دھرنوں میں جھڑپوں کے دوران شہید ہونے والے پولیس اہلکار اور زخمی ہونے والے پولیس اہلکاروں کو خراج تحسین پیش کیا گیا ہے۔

ذرائع کی جانب سے کہا گیا ہے کہ وزیراعظم پاکستان عمران خان نے سماجی رابطے کی ویب سائٹ ٹوئٹر پر اپنے ایک پیغام میں لکھا کہ حکومت پاکستان کو بلیک میل کرنے والوں سے اور ملک میں انتشار پھیلانے کی منظم کوششوں کو پو لیس کی جانب سے روکا گیا۔ جھڑپوں کے دوران شہید ہونے والے پولیس اہلکاروں کی تعداد چار ہے جبکہ زخمی ہونے والوں کی تعداد چھ سو سے زیادہ ہے۔

واضح رہے کہ گزشتہ دنوں مظاہروں اور دھرنوں میں ملوث مذہبی جماعت پاکستان تحریک لبیک کو حکومت پاکستان کی جانب سے کالعدم قرار دے دیا گیا ہے۔ وفاقی کابینہ کی جانب سے وزارت داخلہ کی جانب سے بھجوائی گئی سمری کو منظور کرتے ہوئے پاکستان تحریک لبیک پر پابندی عائد کی ہے۔

یاد رہے کہ کلعدم قرار دی جانے والی مذہبی سیاسی جماعت پاکستان تحریک لبیک کے کارکنان کی جانب سے گزشتہ دنوں میں دھرنے اور مظاہرے کرنےکی وجہ جماعت کے سربراہ مرحوم مولانا خادم حسین رضوی کے صاحبزادے سعد رضوی کو پولیس کا گرفتار کرنا تھا۔

مولانا سعد رضوی کی سربراہی میں پاکستان تحریک لبیک کی جانب سے احتجاج کیا گیا تھا کہ حضرت محمد مصطفی صلی اللہ علیہ وآلہ وسلم کی شان میں گستاخی کرنے والے ملک فرانس کے سفیر کو ملک بدر کیا جائے۔ احتجاج کو ٹھنڈا کرنے کے لیے پولیس کی جانب سے سعد رضوی کو گرفتار کیا گیا مگر حالات مزید خراب ہوگئے۔ پولیس اور کارکنان کے درمیان جھڑپیں بھی ہوئیں جس میں پولیس اور کارکنان کو جانی نقصان کا سامنا کرنا پڑا۔

اہم خبریں

سوموار سے تعلیمی ادارے کھلنے جا رہے ہیں، بچے تیار رہیں

Published by:

ذرائع کے مطابق پنجاب کہ وہ شہر جہاں کرونا وائرس کی شرح بہت زیادہ ہے وہاں بروز سوموار انٹرمیڈیٹ اور میٹرک کے بچوں کے لیے تعلیمی ادارے کھول دیئے جائیں گے۔

تفصیلات کے مطابق وزیر تعلیم پنجاب مراد راس کی جانب سے اعلان کیا گیا تھا کہ میٹرک اور انٹرمیڈیٹ کے تمام طلباء سوموار اور جمعرات کے دن اپنے اسکول اور کالجز میں جایا کریں گے۔ ان دو دنوں میں میٹرک اور انٹرمیڈیٹ کے 50 فیصد بچوں کو ہی بلایا جائے گا۔ تاہم13 اضلاع میں پہلی جماعت سے لے کر آٹھویں جماعت تک کہ تمام ا سکولز عیدالفطر تک بند رہیں گے۔

وزیرتعلیم پنجاب مراد راس کا کہنا تھا کہ ان 13 اضلاع میں لاہور، راولپنڈی، گوجرانوالہ، گجرات، ملتان، بہاولپور، سرگودھا، سیالکوٹ، ٹوبہ ٹیک سنگھ، فیصل آباد، شیخوپورہ، ڈیرہ غازی خان اور رحیم یار خان شامل ہیں۔

وزیر تعلیم پنجاب کا میٹرک اور انٹرمیڈیٹ کے امتحانات کے متعلق بات کرتے ہوئے کہنا تھا گے ملک بھر میں میٹرک اور انٹرمیڈیٹ کے امتحانات شیڈول کے مطابق لے جائیں گے۔ شیڈول میں کسی قسم کی کوئی تبدیلی نہیں کی گئی ہے۔ اس کے ساتھ ساتھ او لیول اور اے لیول کے امتحانات بھی شیڈول کے مطابق ہی ہونگے۔

صوبائی وزیر مراد رات کا کہنا تھا کہ اسکول اور کالجز کھولنے اور شیڈول کے مطابق امتحانات لینے کی حتمی منظوری این سی او سی سے لی جائے گی۔

واضح رہے کہ ملک پاکستان میں اس وقت کرونا وائرس کی تیسری لہر کی بڑھتی ہوئی شرح کی تباہ کاریاں جاری ہیں۔ گزشتہ ماہ پورے پنجاب میں پہلی جماعت سے لے کر آٹھویں جماعت والے اسکولز کو مکمل طور پر بند کر دیا گیا تھا جبکہ 13 اضلاع میں میٹرک اور انٹرمیڈیٹ کی کلاسز کو بھی ملتوی کردیا گیا تھا۔ تاہم سوموار سے ان 13 اضلاع کے میٹرک اور انٹرمیڈیٹ کے ادارے کھول دیئے جائیں گے اور ہفتے میں دو دن تعلیمی سرگرمیاں جاری رکھنے کی اجازت ہوگی۔

اہم خبریں

وفاقی کابینہ میں ایک دفعہ پھر بڑی تبدیلیاں کر دی گئیں

Published by:

ذرائع کے مطابق حکومت کی جانب سے وفاقی کابینہ میں ایک بار پھر بڑی تبدیلیاں کر دی گئی۔

تفصیلات کے مطابق حکومت کی جانب سے ایک بار پھر وفاقی کابینہ میں بڑی تبدیلی کرتے ہوئے وزارت خزانہ کا قلمدان حماد اظہر سے واپس لے کر شوکت ترین کو سونپ دیا گیا ہے۔ شوکت ترین کو وزارت ریونیو کا قلمدان بھی سونپ دیا گیا ہے۔

ذرائع کا کہنا ہے کہ عمر ایوب سے بھی وزارت توانائی کا چارج واپس لے لیا گیا ہے اور ان کو وفاقی وزیر برائے اقتصادی امور بنا دیا گیا ہے۔ اس کے ساتھ ساتھ فواد چوہدری سے وزارت سائنس اینڈ ٹیکنالوجی کا قلمدان واپس لے لیا گیا ہے اور اب ان کو وزارت اطلاعات کا قلم دان سونپا گیا ہے جبکہ شبلی فراز کو وزارت سائنس اینڈ ٹیکنالوجی کا قلمدان سونپ دیا گیا ہے۔

یاد رہے کہ گزشتہ ماہ ہی حکومت کی جانب سے عبدالحفیظ شیخ سے وزارت خزانہ کا قلمدان واپس لے کر حماد اظہر کو نیا وزیر خزانہ بنایا تھا۔

سینیٹر شبلی فراز کی جانب سے کہا گیا تھا کہ وزیر خزانہ عبدالحفیظ شیخ سے وزارت خزانہ کا قلمدان واپس لینے کی وجہ مہنگائی تھی۔ وزیراعظم عمران خان ان کی کارکردگی سے زیادہ مطمئن نہیں تھے اسی لیے انہیں وزیرخزانہ کے کے عہدے سے ہٹا دیا گیا تھا۔

واضح رہے کہ شوکت ترین کو وزیراعظم عمران خان نے معاشی ٹیم میں توسیع کرنے کے لئے شامل کیا تھا۔ ذرائع کا کہنا تھا کہ شوکت ترین پیپلزپارٹی کے دور میں بھی وزیر خزانہ کا قلمدان سنبھال چکے ہیں اور اس فیلڈ میں بہت زیادہ تجربہ رکھتے ہیں اسی لیے ان کے تجربے کو سامنے رکھتے ہوئے انہیں وزارت خزانہ کا قلمدان سونپا گیا ہے۔

ذرائع کے مطابق شوکت ترین نے نجی ٹی وی چینل سے بات کرتے ہوئے کہا ہے کہ انہیں پہلے ہی حکومت کی جانب سے معاشی ٹیم میں شمولیت کا کہا جا چکا تھا مگر جب تک نیب کے کیسز کلیئر نہیں ہوجاتے حکومت کی ٹیم میں شمولیت اختیار نہیں کروں گا۔

اہم خبریں

پاکستان میں سوشل میڈیا پر عارضی پابندی عائد کردی گئی

Published by:

ذرائع کے مطابق پاکستان میں سوشل میڈیا پر عارضی پابندی عائد کر دی گئی ہے۔

تفصیلات کے مطابق ملک بھر میں چار گھنٹوں کے لیے سوشل میڈیا پلیٹ فارمز کو عارضی طور پر بند کر دیا گیا ہے۔ نجی ٹی وی چینل کے مطابق پاکستان میں سوشل میڈیا پلیٹ فارمز کو گیارہ بجے سے تین بجے تک عارضی طور پر بند کیا گیا ہے۔

ذرائع کا کہنا ہے کہ گیارہ بجے سے پاکستان میں سوشل میڈیا کے پلیٹ فارمز جیساکہ ٹویٹر فیس بک، انسٹاگرام، واٹس ایپ، ٹیلیگرام اوت یوٹیوب کو عارضی طور پر بند کر دیا گیا ہے جو کہ دوپہر تین بجے تک بند رہیں گے

ذرائع کے مطابق وزارت داخلہ کی جانب سے ملک میں سوشل میڈیا کی پابندی کے حوالے سے چلائی جانے والی خبروں کی تصدیق کر دی گئی ہے۔ وزارت داخلہ کی جانب سے کہا گیا ہے کہ پاکستان میں سوشل میڈیا صبح گیارہ سے دوپہر تین بجے تک بند رہے گا۔

ذرائع کے مطابق سوشل میڈیا پلیٹ فارمز پر آج صبح گیارہ سے دوپہر تین بجے تک بند رکھنے کا جونہی اعلان کیا گیا ہے اسی وقت سے سوشل میڈیا پلیٹ فارمز کی سروسز کو بھی بند کر دیا گیا تھا۔

واضح رہے کہ ابھی تک کا حکومت کی جانب سے سوشل میڈیا کو گیارہ سے تین بجے تک بند کرنے کی کوئی وجہ نہیں بتائی گئی ہے تاہم تجزیہ کاروں کا کہنا ہے کہ سوشل میڈیا پلیٹ فارمز کو بند کر نے کی وجہ تجرباتی بنیادی بھی ہو سکتی ہیں۔

سکیورٹی ماہرین کی جانب سے کہا گیا ہے کہ گزشتہ چند دنوں سے پاکستان میں دھرنوں اور مظاہروں کی وجہ سے پیدا شدہ صورتحال کے بعد جمعۃ المبارک کے موقع پر احتجاج کا خطرہ لاحق ہو سکتا ہے جس سے چھٹکارا حاصل کرنے کے لئے حکومت پاکستان کی جانب سے سوشل میڈیا پلیٹ فارمز پر پابندی عائد کردی گئی ہے۔

پاکستان

موبائل چوری ہونے پر بلاک کیسے کیا جائے؟ جدید ترین ٹیکنالوجی کا افتتاح کر دیا گیا

Published by:

ذرائع کے مطابق پاکستان ٹیلی کمیونیکیشن اتھارٹی کی جانب سے موبائل چوری ہونے پر آن لائن شکایت درج کرانے کا طریقہ متعارف کروا دیا گیا ہے۔

تفصیلات کے مطابق اب موبائل چوری ہونے پر پی ٹی اے کو آن لائن شکایت درج کروا کر موبائل کو بلاک کروایا جاسکے گا اور موبائل کے ملنے پر آن لائن ہی ان بلاک بھی کروایا جا سکے گا۔

پاکستان ٹیلی کمیونیکیشن اتھارٹی کی جانب سے چوری یا گم شدہ موبائل کی شکایت درج کرانے کا طریقہ کار بتا دیا گیا ہے۔ موبائل چوری ہونے پر پی ٹی آئی کی ویب سائٹ پر موجود فارم کو فل کرکے سبمٹ کروانا ہوگا۔ جس کے بعد چوبیس گھنٹوں کے دوران موبائل فون کو بلاک کر دیا جائے گا۔ اس سہولت سے استفادہ کرتے ہوئے اب کسی کو پولیس اسٹیشن جانے یا ایف آئی آر کٹوانے کی ضرورت بھی نہیں ہوگی۔

ڈائریکٹر آف پاکستان ٹیلی کمیونیکیشن اتھارٹی اور مہران کی جانب سے کہا گیا ہے کہ پہلے موبائل گم ہونے یا چوری ہونے پر صارفین کو ہیلپ لائن پر کال کرنی پڑتی تھی یا پھر ای میل لکھ کر بھیجی جاتی تھی یا پھر سی پی ایل سی کراچی کے نمبر پر کال کی جاتی تھی۔ مگر اب ایسا خودکار نظام لایا جا چکا ہے جس کی بدولت کسی قسم کی مشکلات کا سامنا نہیں کرنا پڑے گا۔

آن لائن کمپلینٹ کے متعلق بات کرتے ہوئے ان کا کہنا تھا کہ جب صارف شکایت درج کرے گا تو اس کو ایک ایس ایم ایس موصول ہوگا۔ آن لائن شکایت کے سارے مرحلے مکمل ہونے کے بعد آپ کے دیے گئے نمبر پر تصدیقی میسج موصول ہوگا کے آپ کی شکایت موصول ہو چکی ہے۔

موبائل کو ان بلاک کرنے کے حوالے سے ان کا کہنا تھا کہ گمشدہ یا چوری ہونے والے موبائل کے مل جانے پر ویب سائٹ پر موجود ان بلاک کے آپشن پر موجود ہدایات پر عمل کرکے موبائل کو 24 گھنٹے کے اندر قابل استعمال بنایا جاسکے گا۔