چینی کی قیمت میں اضافہ دیکھنے میں آرہا ہے عدالتی حکم کے بعد چینی سستی کی گئی البتہ اس کے بعد چینی حاصل کرنے کے لیے لائن لگ گئی ہے سستی چینی کا حصول اب شہریوں کے لیے اذیت بنتا جا رہا ہے
رمضان بازار میں 65 روپے کلو کے حساب سے دو کلو چینی کے پیکٹ مل رہے ہیں جسے لینے کے لیے شہری صبح سویرے ہی سستے رمضان بازاروں میں پہنچ جاتے ہیں۔
لوگوں کا کہنا ہے کہ کورونا وبا کے باعث فاصلہ برقرار رکھنے کی تلقین کی جاتی ہے تو ساتھ ہی طویل قطاروں میں انتظار کی سولی پر لٹکنا پڑتا ہے۔
شہریوں نے دکانوں پر سستی چینی کی فراہمی کو یقینی بنانے کا مطالبہ کرتے ہوئے کہا ہے کہ دو کلو چینی حاصل کرنے کے لیے روزے کی حالت میں گھنٹوں انتظار کرنا پڑتا ہے۔
