ذرائع کے مطابق ترکی میں کورونا کے باعث مکمل لاک ڈاؤن لگا دیا گیا
ترکی میں کورونا کے باعث اموات میں اضافہ ہورہا ہے جس کے باعث کابینہ کا اجلاس ہوا اور ترک صدر نے ملک بھر میں 17 مئی تک لاک ڈاؤن لگانے کا اعلان کردیا
ترک صدر نے کہا کہ اس دوران تمام اسکول بند رہیں گے لاک ڈاؤن کے دوران تمام افراد گھروں میں رہنے کے پابند ہیں تاہم صرف علاج یا دوائی لینے کے لیے گھر سے باہر نکلنے کی اجازت ہوگی پبلک ٹرانسپورٹ میں بھی صرف محدود حد تک افراد بیٹھ سکیں گے۔
اس کے علاوہ ایسے افراد جن کا تعلق میڈیسن، ایمرجنسی سروس اور اشیائے خورونوش کے محکموں سے ہے پابندیوں سے مستثنیٰ ہیں۔
ترک صدر کا کہنا تھا کہ ہمیں بھی تیزی سے کیسز پر قابو پانا ہوگا اور اس تعداد کو 5ہزار سے کم پر لانا ہوگا، ورنہ ہمیں بھاری نقصان اٹھانا پڑے گا۔
