پاکستان میں کورونا کی دوسری لہر نے تباہی مچادی ہےکورونا وائرس سے روزانہ ریکارڈ تعداد میں قیمتی جانیں ضائع ہو رہی ہیں جس کے باعث پابندیاں مزید سخت کردی گئی ہیں
کمشنر لاہور ڈویژن کیپٹن (ر) محمد عثمان کاکہنا ہے کہ کورونا وائرس کا پھیلاؤ روک کر قیمتی جانیں بچانے کے لیے مشکل فیصلے کرنا لازم ہے، عوام سے گزارش ہے کہ مشکل کی اس گھڑی میں ہمارا ساتھ دیں اور سخت فیصلوں کو کامیاب بنائیں کورونا کے خلاف احتیاطی تدابیر اپنائیں، اپنی اور اپنے پیاروں کی زندگیاں محفوظ بنائیں
انہوں نے بتایا کہ لاہورمیں کورونا وائرس کی بے قابو ہوتی صورت حال کے پیش نظر پابندیاں مزید سخت کردی گئیں۔
پابندیاں :-
ہفتہ اور اتوار کو لاہور شہر میں مکمل لاک ڈاؤن ہو گا۔
تمام قسم کے کاروبار اور مارکیٹیں مکمل بند رہیں گی
صرف میڈیکل اسٹور، پٹرول پمپ، ویکسی نیشن سنٹرز، دودھ دہی، گوشت اور سبزی کی دوکانیں کھلی رہیں گی
لہذا شہریوں سے گزارش ہے کہ آج ہی اشیاء ضروریہ کی خریداری کرلیں، ہفتہ اور اتوار کو بین الصوبائی ٹرانسپورٹ پر بھی مکمل پابندی ہوگی۔
