پاکستان پیپلز پارٹی کے چیئرمین بلاول بھٹو زرداری نے مہنگائی کے بارے میں بات کی انہوں نے حکومت پر اس حوالے سے کڑی تنقید کی
انکا کہنا تھا کہ عمران خان آلو، پیاز اور ٹماٹر کی قیمتیں تو سنبھال نہیں پارہے ملک کیا چلائیں گے
عوام مہنگائی کی دہائیاں دے رہے ہیں مگر وزیراعظم کو اپنی تعریف سننے سے فرصت ہی نہیں رمضان میں مختصر دسترخوان عمران خان کی نا اہلی کی داستانیں سنا رہے ہیں
انہوں نے کہا کہ عمران خان کی حکومت کا ہر گزرتا دن مہنگائی کا طوفان لارہا ہے، انہوں نے وزیراعظم کو مخاطب کرکے کہا کہ ہوش کے ناخن لیں، ملک میں مہنگائی بڑھ رہی ہے
بلاول بھٹو زرداری نے جاری بیان میں کہا کہ المیہ یہ ہے کہ ملک میں مہنگائی میں کمی کا کوئی امکان نہیں ہے، اس وقت ملک میں مہنگائی کی سالانہ شرح 14.1 فیصد تک پہنچ گئی ہے، ڈبلیو پی آئی کے مطابق مہنگائی کی شرح 16.6 فیصد جبکہ ایس پی آئی کے مطابق مہنگائی کی شرح 21.3 فیصد تک پہنچ چکی ہے۔
انہوں نے کہا کہ گندم اور گنا پیدا کرنے والا ملک چینی اور آٹا درآمد کرے گا تو کیسے ملک چلے گا
بلاول بھٹو زرداری نے کہاکہ عوام عمران خان کو مہنگائی کی دہائیاں دے رہے ہیں اور عمران خان اپنی تعریف کے علاوہ کچھ سننے کو تیار نہیں، عمران خان مہنگائی کی قیامت ڈھا رہے ہیں۔
بلاول بھٹو زرداری نے کہا کہ تاریخ گواہ رہے گی کہ جب عمران خان مہنگائی کی قیامت ڈھارہے تھے توپیپلزپارٹی مزدوروں کو بے نظیر کارڈ جاری کرکے ریلیف مہیا کررہی تھی
انہوں نے کہاکہ اگر پاکستان پیپلزپارٹی وفاق میں حکومت بناۓ گی تو ملک بھر کے مزدوروں کے لئے بے نظیر کارڈ جاری کرے گی۔
چیئرمین پیپلزپارٹی نے کہاکہ عمران خان آلو، پیاز اور ٹماٹر کی قیمتیں تو سنبھال نہیں پارہے، ملک کیا چلائیں گی
بلاول بھٹو کا کہنا تھا کہ تیل، گھی، چینی، آٹے، دالوں، پھلوں، سبزیوں اور گوشت سمیت ہر شے کی قیمت میں اضافہ ہوا ہے
