فیصل آباد میں عید کیلیے کپڑے مانگنے پر باپ نے اپنے 4بچوں کو نہر میں پھینک دیا
ذرائع کے مطابق بچوں نے عید کے کپڑے مانگے جس پر بدبخت باپ نے بچوں کو شیخوپورہ کی سب سے بڑی بھکھی نہر میں پھینک کر مار ڈالا۔
اور بعد میں ان کے اغوا کا ڈرامہ رچانا شروع کردیا
پولیس نے اک ملزم کو ڈاکو سمجھ کرگرفتار کیا لیکن دوران تفتیش اہم انکشافات ہوۓ
ملزم نے انکشاف کیا کہ وہ ڈاکو نہیں بلکہ مقامی مل میں کام کرتا تھا نوکری چلی گئی تو اس کے گھر میں فاقہ کشی شروع ہو گئی جس کے باعث اس کی بیوی نصیب بی بی دو ہفتے قبل لڑائی جھگڑا کر کے اپنے میکے فاروق آباد چلی گئی،
میں اسے منانے کے لیے لینے گیا تین مرتبہ گیا لیکن وہ ساتھ نہ آئی۔اس دوران بچوں نے عید کے لیے کپڑوں کا مطالبہ کیا تو میں اپنے 4 معصوم بچوں جویریہ، نمرہ، عروہ، ذوالقرنین کو 4 روز قبل گھر سے اپنے ساتھ موٹرسائیکل پر بٹھایا اور کپڑے لیکر دینے کے بہانے شیخوپورہ روڈ پر بھکی نہر میں پھینک دیا اس کے ساتھ ہی ملزم نے اپنی بیوی پر بد چلنی کا بھی الزام عائد کر دیا اور کہا کہ اس نے بیوی کے رویہ کی وجہ سے مشتعل ہو کر بچوں کو نہر میں پھینکا۔
پولیس نے ملزم کو گرفتار کرکے تفتیش شروع کردی ہے، پولیس نے بچوں کی تلاش کیلیے شیخوپورہ پولیس کی مدد مانگتے ہوئے ملزم کو ان کے حوالے کردیا ، جہاں ریسکیو 1122کا عملہ ملزم کی نشاندہی پر بھکھی نہر میں سرچ آپریشن کر رہا ہے۔ تاہم کسی بھی بچے کی لاش نہ مل سکی۔
