این سی او سی نے 8 سے 16 مئی تک ملک بھر میں لاک ڈاؤن کا اعلان کر دیااین سی او سی اجلاس میں کاروباری مراکز، دکانیں اور سیاحتی مقامات بند کرنے کے اعلان پر عمل درآمد کے لیے مانیٹرنگ ٹیمیں تشکیل دینے کا فیصلہ کیا گیا ہے۔
ذرائع کے مطابق وفاقی وزیر اسد عمر اور قومی کوآرڈینیٹر لیفٹیننٹ کی سربراہی میں این سی او سی کا اجلاس ہوا جس میں وزیراعظم کے معاون خصوصی برائے صحت فیصل سلطان نے بھی شامل تھے
اجلاس میں عید تعطیلات کے دوران مانیٹرنگ ٹیمیں تشکیل دینے کا فیصلہ کیا گیا یہ ٹیمیں ایس او پیز پر عمل درآمد کو یقینی بنانے کے لئے وفاقی، صوبائی اور ضلعی سطح پر کام کریں گی
اس سے قبل 6 سے 18 مئی تک سیاحتی مقامات، پارکس، شاپنگ مالز، ہوٹلز اور ریسٹورنٹ بند رکھنے کا فیصلہ کیا گیا تھا , لوکل اور بیرون ممالک کے لیے سیاحتی مقامات کی بندش اور شمالی علاقہ جات کے راستوں کو بند کرنے کا اعلان بھی کیا گیا ہے ۔
این سی او سی اجلاس کے فیصلے میں یہ کہا گیا ہے کہ کراچی میں ساحل سمندر پر بھی عوام کو جانے کی اجازت نہیں ہوگی تاہم گلگت بلتستان اور آزاد کشمیر کے رہائیشیوں کو واپس جانے کی اجازت ہوگی جب کہ پیٹرول پمپس،میڈیکل اسٹورز، گروسری اسٹورز، بیکری اور فوڈ آئٹمز کی دکانوں کواستثنیٰ حاصل ہوگا۔
وفاقی، صوبائی اور ضلعی سطح پر قائم ہونے والی مانیٹرنگ ٹیموں کا مقصد مذکورہ تمام احکامات پر عمل درآمد کو یقینی بنانا ہے یہ اقدام کورونا وبا کے تیزی سے پھیلاؤ کے امکان کی بنا پر کیا گیا ہے
