محکمہ موسمیات نے جنوب مشرقی بحیرہ عرب میں سمندری طوفان بننے کا امکان ظاہر کردیا اور کہا کہ بحیرہ عرب کے جنوب مشرق میں ہوا کا شدید دباؤ ہے جس کا طوفان میں تبدیل ہونے کا خطرہ ہے
ذرائع کے مطابق بتایا گیا ہے کہ ہوا کا دباؤ 36 سے 48 گھنٹے میں ڈپریشن کی شکل اختیار کر سکتا ہے البتہ پاکستان کے ساحلوں کو فی الحال کوئی خطرہ نہیں ہے
ذرائع کے مطابق ہوا کا کم دباؤ کراچی سے 1440 کلو میٹر دور ہے لہذا پاکستان کو کوئی خطرہ نہیں ہے البتہ یہ ڈپریشن 16 مئی تک ٹراپیکل سائیکلشن کی شکل اختیار کر سکتا ہے جس کا رخ شمال مغرب کی جانب رہے گا
یہ بھی بتایا گیا ہے کہ اس سے پاکستان کے ساحلوں کو کوئی خطرہ نہیں ہے پھر بھی سندھ کے ماہی گیروں کو خبردار کیا ہے کہ وہ گہرے پانی میں نہ جائیں
دوسری جانب کراچی میں آئندہ 24گھنٹےموسم گرم اور مرطوب رہنے کا امکان ہے
خیال رہے ڈیزاسٹرمینجمنٹ اتھارٹی نے سمندری کراچی کےڈپٹی کمشنرزکو ہ مراسلہ ارسال کردیاہے
مراسلے میں کہا گیا ہے کہ ’مشرقی بحیرہ عرب میں سمندری طوفان بننےکاخدشہ ہے، 14مئی کی صبح جنوب مشرقی بحیرہ عرب میں ہوا کا کم دباؤ بن سکتا، جو 16 مئی تک ٹراپیکل سائیکلون نامی سمندری طوفان کی صورت اختیار کرلے گا۔
