اپوزیشن لیڈر شہباز شریف کا نام ای سی ایل میں ڈال دیا گیا جس کے بعد شہباز شریف نے لاہور ہائیکورٹ میں توہین عدالت کی درخواست دائر کر دی
درخواست میں مؤقف اپنایا گیا کہ لاہور ہائیکورٹ نے شہباز شریف کو بیرون ملک جانے کی اجازت دی تھی لیکن عدالتی حکم کا خیال نہیں رکھا گیا اور محمد شہباز شریف کو باہر کے ملک جانے کی اجازت نہیں دی گئی
تفصیلات کے مطابق درخواست امجد پرویز اور نذیر تارڑ نے جمع کروائی تھی درخواست میں استدعا کی گئی کہ عدالت کی حکم عدولی پر افسران کے خلاف کاروائی کی جاۂے
خیال رہے کہ کچھ روز قبل میاں محمد شہباز شریف کو لاہور ہائی کورٹ میں درخواست جمع کرانے پر ضمانت دے دی گئی تھی اور بیماری کی غرض سے بیرون ملک جانے کی اجازت بھی دے دی گئی تھی۔
قومی اسمبلی میں قائد حزب اختلاف میاں محمد شہباز شریف کی جانب سے جمعے کو کہا گیا تھا کہ میں کینسر جیسی موذی بیماری میں مبتلا ہو جس کا سال میں دو بار چیک اپ کروانا پڑتا ہے جس پر لاہور ہائیکورٹ کی جانب سے شہباز شریف کو دو ماہ کے لئے بیرون ملک جانے کی اجازت دے دی گئی تھی
جس کے بعد سابق وزیر اعلیٰ پنجاب میاں محمد شہباز شریف کو بیرون ملک سفر کرنے کے لئے ایئرپورٹ پر ایف آئی اے کے اہلکاروں کی جانب سے روک دیا گیا تھا اور کہا گیا تھا کہ ابھی تک آپ کے اوپر لگے ہوئے چارجز کو نہیں اٹھایا گیا ہے اور ہمیں آپ کے بیرون ملک جانے کے متعلق کوئی حکم نہیں اور اب شہباز شریف کا نام ای سی ایل میں ڈال دیا گیا جس کے لیے شہباز شریف نے عدالت سے رجوع کیا ہے
