کپتان شاہد آفریدی کی سوشل میڈیا پر ویڈیو وائرل ہوئی جس میں انہوں نے وزیراعظم عمران خان کو نوازشریف کا پیچھا چھوڑنے کا مشورہ دیا ہے
ویڈیو میں ان کا کہنا تھا کہ عمران بھائی کو چاہئے کہ وہ اب زرداری اور نواز شریف کو چھوڑ دیں پچھلی حکومتوں نے جو کچھ کیا آپ انہیں چھوڑ دیں آپ صرف یہ دیکھیں آپ کیا کررہے ہیں
انہوں نے کہا کہ آپ جب بھی کہیں جاتے ہیں صرف نواز اور زرداری کے پیچھے پڑے رہتے ہیں 2 اڑھائی سال ہو گئے جہاں بھی جاتے ہیں ان کے پیچھے پڑے رہتے ہیں
ان کا کہنا تھا کہ عمران بھائی جب وزیراعظم نہیں تھے تب ان کی ہربات پر ساری قوم کھڑی ہوجاتی تھی اب وہ وضاحتیں دیتے ہیں جہاں کہیں بھی افتتاح کرنے جاتے ہیں وہ نواز زرداری ہی کہتے ہیں
انہوں نے مزید کہا کہ اب انہیں چھوڑ دیں اور خود کو دیکھیں اللہ نے آپ کو موقع دیا ہے آپ کرکے دکھائیں اور آپ تبدیلی لے کر آئیں
شاہد آفریدی کا کہنا تھا کہ ہم نے 2013 میں انہی کو ووٹ دیاہے وہ تبدیلی لےکر آئیں جو پرانا پاکستان ہے اس کو ٹھیک کردیں
