فرانسیسی سفیر کی ملک بدری سے متعلق قرارداد آج قومی اسمبلی میں پیش کی گئی جو کہ منظور ہوگئی جس کے بعد ن لیگی رہنما شاہد خاقان عباسی اور اسپیکر قومی اسمبلی اسد قیصر کے درمیان جھگڑا ہوا
سابق وزیراعظم کا کہنا تھا کہ ناموس رسالت کا معاملہ ہے قرارداد لانی تھی تو اپوزیشن سے بات کرنی چاہیے تھی۔ حتم نبوت پر کوئی دو رائے نہیں یہ قرارداد ناکافی ہے
شاہ خاقان عباسی اپنی جگہ سے اٹھ کر اسپیکر ڈائس پر آگئے اسپیکر نے شاہد خاقان کو تنبیہ بھی کی کہ آپ اپنی حد میں رہیں آپ ہمیشہ یونہی کرتے ہیں
جس کے جواب میں ن لیگی رہنما شاہد خاقان نے اسپیکر کو کہا کہ ”میں جوتا اتار کر ماروں گا آپ کو”اسپیکر نے جواب دیا کہ ”میں بھی آپ کے ساتھ ایسا ہی کروں گا”۔
انہوں نے کہا کہ مشاورت کے لیے ایک گھنٹہ دیا جائے۔ أج ہی بحث ہونی چاہیئے، خصوصی کمیٹی نہیں ہول کمیٹی بنایا جائے۔
انہوں نے طنز کرتے ہوۓ کہا کہ آپ نے تین سال میں ایوان کو مفلوج کر دیا، ایوان کو اڈا اور اکھاڑہ بنا دیا گیا ہے۔
خیال رہے کہ پیپلز پارٹی نے قومی اسمبلی اجلاس میں شرکت نہ کرنے کا فیصلہ کیا ہے جس کا اظہار بلاول نے اپنی ٹوئیٹ میں کیا ہے اس فیصلے سے پی پی پی ارکان اسمبلی کو بھی آگاہ کر دیا گیا۔
