ذرائع کے مطابق ملک پاکستان میں 40 سے 49 سال کی عمر رکھنے والے شہریوں کے لیے کرونا ویکسینیشن کے متعلق اہم خبر سامنے آئی ہے۔
تفصیلات کے مطابق نیشنل کمانڈ اینڈ آپریشن سنٹر کی جانب سے اعلان کیا گیا ہے کہ 40 سے 49 سال کی عمر رکھنے والے شہریوں کے لیے کرونا ویکسینیشن کا آغاز کردیا گیا ہے۔ نیشنل کمانڈ آپریشن سینٹر (این سی او سی) کی جانب سے سماجی رابطے کی ویب سائٹ ٹویٹر پر 40 سے 49 سال کی عمر رکھنے والے افراد کی کرونا ویکسینیشن کے لیے رجسٹریشن کے آغاز کا پیغام جاری کیا گیا ہے۔
ذرائع کے مطابق این سی او سی کی جانب سے جاری کردہ ٹویٹ میں بتایا گیا ہے کہ اب 40 سے 49 سال عمر تک کے افراد کو خود کو کرونا ویکسینیشن کے لئے رجسٹر کروا سکتے ہیں۔
کرونا ویکسینیشن کے لئے رجسٹرڈ ہونے کا طریقہ،
وہ شہری جو خود کو کہنا ویکسینیشن کے لئے رجسٹرڈ کروانا چاہتا ہے اسے اپنا شناختی کارڈ نمبر 1166 پر سینڈ کرنا ہوگا۔ جس کے بعد شہری کے پاس این سی او سی کی جانب سے ویکسینیشن کی تاریخ اور ویکسینیشن سینٹر کے بارے میں معلومات بھیجی جائیں گی۔
این سی او سی کی جانب سے جاری کردہ ٹویٹ میں مزید کہا گیا ہے کہ آج سے ملک پاکستان کے تمام شہری جن کی عمر 50 سال سے 59 سال ہے وہ کسی بھی ویکسینیشن سینٹر میں جا کر اپنا شناختی کارڈ دکھا کر ویکسین لگوا سکتے ہیں۔
ذرائع کے مطابق این سی او سی کی جانب سے کہا گیا ہے کہ 50 سے 59 سال کی عمر رکھنے والے افراد کو اب کسی رجسٹریشن کی ضرورت نہیں ہے۔
واضح رہے کہ حکومت پاکستان کی جانب سے قائم کردہ ویکسینیشن سینٹر پر عمر کے لحاظ سے کرونا ویکسین مفت لگائی جا رہی ہے البتہ آپ کسی نجی ویکسینیشن سینٹر سے بلا تفریق کسی بھی عمر کے افراد کو ویکسین پیسے دے کر لگا سکتے ہیں۔
