ذرائع کے مطابق کینیڈا حکومت کی جانب سے بھارت اور پاکستان کی پروازوں پر 30 دن کی پابندی عائد کر دی گئی ہے لہذا 30 دن تک پاکستان اور بھارت کی پروازیں کینیڈا میں نہیں جا سکیں گی۔
تفصیلات کے مطابق کینیڈا گورنمنٹ کی جانب سے کرونا وائرس کی بڑھتی ہوئی شرح کے روک تھام کے لیے پاکستان اور بھارت کی پروازوں کے متعلق پابندی کا فیصلہ کیا گیا ہے۔ پاکستان اور بھارت کے لیے کینیڈا کی جانب سے 30 یوم تک پرواز معطل کی گئی ہیں۔
ذرائع کے مطابق پاکستان انٹرنیشنل ایئر لائنز کام کی جانب سے اعلان کیا گیا ہے کہ کینیڈا حکومت کا پابندی کے متعلق نوٹیفیکیشن موصول ہو چکا ہے تاہم ابھی تک کینیڈا گورنمنٹ کی جانب سے پابندی کے متعلق تفصیلات نہیں بھجوائی گئی ہے۔
واضح رہے کہ کرونا وائرس کی تیسری لہر اس وقت پوری دنیا میں تباہ کاریاں مچا رہی ہے۔ پاکستان بھی کرونا وائرس کی تیسری لہر کی تباہ کاریوں کی لپیٹ میں ہے۔ این سی او سی کی جانب سے رپورٹ جاری کی گئی ہے کہ گزشتہ چند روز میں کرونا وائرس کی شرح میں شدید اضافہ ہوا ہے۔ صوبہ پنجاب کے جن شہروں میں کرونا وائرس کی تیسری لہر کی شرح میں اضافہ دیکھنے میں آیا ہے ان میں بھاولپور سرفہرست ہے۔
دوسری جانب بھارت کو بھی کرونا وائرس کی تیسری لہر کی بڑھتی ہوئی شرح کے پیش نظر شدید نقصان کا سامنا کرنا پڑ رہا ہے۔ بھارت میں کرونا وائرس کے پھیلنے کی شرح پاکستان کے مقابلے میں بہت زیادہ ہے۔ گزشتہ چند روز میں بھارت میں کرونا وائرس کے کیسز رپورٹ ہونے کی اوسط ایک لاکھ سے بھی تجاوز کر گئی تھی۔
دونوں ممالک میں کورونا وائرس کی تیسری لہر میں اضافے کی صورتحال کو سامنے رکھتے ہوئے کینیڈین گورنمنٹ کی جانب سے پروازہ 30 روز تک معطل کرنے کا اعلان کیا گیا ہے۔
