ذرائع کے مطابق پنجاب کے ضلع راجن پور میں سی ٹی ڈی پولیس کی جانب سے بڑی کارروائی کی گئی ہے۔ جس کے نتیجے میں دہشت گردی کا بڑا منصوبہ ناکام بنا دیا گیا ہے۔
تفصیلات کے مطابق صوبہ پنجاب کے ضلع راجن پور کاؤنٹر ٹیررزم ڈیپارٹمنٹ کی جانب سے خفیہ اطلاع ملنے پر کارروائی کی گئی اور ایک دہشت گرد کو گرفتار کر لیا گیا تھا تاہم دوسرا موقع سے فرار ہوگیا۔
ذرائع کے مطابق کاونٹر ٹیررزم ڈیپارٹمنٹ (سی ٹی ڈی) حکام کی جانب سے کہا گیا ہے کہ دوران تفتیش دہشت گرد کی جانب سے انکشاف کیا گیا ہے کہ وہ بجلی کی ہائی ٹرانسمیشن لائن کو بم سے اڑانے کا منصوبہ بنا رہے تھے۔
ذرائع کے مطابق سی ٹی ڈی حکام کی جانب سے مزید کہا گیا ہے کہ ملزم سے آٹھ کلو بارودی مواد بھی برآمد ہوا ہے تاہم مزید تفتیش کے لیے ملزم کو نامعلوم مقام پر منتقل کر دیا گیا ہے۔
واضح رہے کہ گزشتہ ماہ کراچی میں کاؤنٹر ٹیررزم ڈیپارٹمنٹ (سی ٹی ڈی) کی جانب سے بڑی کارروائی کرتے ہوئے 2 دہشت گردوں کو گرفتار کیا گیا تھا۔ سٹیڈیم کاموں کا بتانا تھا کہ یہ دونوں دہشت گرد پولیس اور رینجر پر کئی حملوں میں ملوث تھے تاہم ان میں سے ایک دہشت گرد بم بنانے کا ماہر ہے۔
سی ٹی ڈی حکام کا مزید کہنا تھا کہ ان تمام دہشت گردوں کی تربیت افغانستان میں کی جاتی ہے اور ان دہشت گردوں کا تعلق دہشت گرد تنظیم سی اے سے ہے۔
