ترکی نے پاکستانی اداکار عمران عباس کو خیر سگالی سفیر مقرر کردیا ہے
عمران عباس نے انسٹا گرام پر پوسٹ شیئر کرتے ہوۓ خوشی کا اظہار کیا اور کہا کہ یہ میرے لیے اعزاز کی بات ہے کہ حکومت ترکی اور وزارت مذہبی امورٰ دیانت ٰ نے مجھے خیر سگالی سفیر مقرر کیا ہے
انہوں نے بتایا کہ وہ اس ہفتے ترکی کے اداکاروں کے ساتھ تنزانیہ سمیت مختلف افریقی ممالک کا دورہ کریں گے جہاں کھانے اور پینے کی اشیا سمیت ضروریات زندگی کی بنیادی چیزوں کے ساتھ ساتھ لاکھوں قرآن پاک بطور تحائف بھی مسلمانوں میں تقسیم کیے جائیں گے۔
انکی پوسٹ پر بڑی تعداد نے پسندیدگی کا اظہار کیا ہے واضح رہے کہ اداکار عمران عباس ان دنوں ترکی میں پاکستان کے لیے رمضان ٹرانسمیشن بھی کر رہے ہیں
